Halloween party ideas 2015
banner



لەسەر سکاڵای سەفین دزەیی و مەسرور بارزانی، دادگای هەولێر لەسەر وتەکانی لە بەرنامەی تاوتوێی ئێن ئاڕ تیدا، بڕیاریدا بە سزادانی سۆران عومەر بە بڕی (١٧٠) ملیۆن دینار.
سۆران عومەر ئەندامی پەرلەمانی کوردستان لە فراکسیۆنی کۆمەڵ، بە دیجیتاڵ میدیای ئێن ئاڕ تی ڕاگەیاند "دادگای هەولێر لەسەر لێدوانێکم بۆ بەرنامەی تاوتوێی ئێن ئاڕ تی، لە ڕۆژی ١٣ ی ئازاری ئەمساڵدا و لەسەر سکاڵای سەفین دزەیی وتەبێژی حکومەتی هەرێم و مەسرور بارزانی ڕاوێژکاری ئەنجوومەنی ئاسایشی هەرێم، بڕیاریداوە بە سزادانم بە بەڕی (١٧٠) ملیۆن دینار، کە بڕی (٦٠) ملیۆن دیناریان لەسەر سکاڵاکەی سەفین دزەییە و بڕی (١١٠) ملیۆن دیناریان لەسەر سکاڵاکەی مەسرور بارزانییە".
لە سکاڵاکەیاندا وتەبێژی حکومەتی هەرێم و ڕاوێژکاری ئەنجوومەنی ئاسایشی هەرێم ئاماژەیان بۆ ئەوە کردوە، لە ڕۆژی ١٣ی ئازاری ٢٠١٦ سۆران عومەر لە بەرنامەی تاوتوێی کەناڵی ئێن ئاڕ تیدا "زانیاری ناڕاستی لە سەر هەریەکە لە مەسرور بارزانی و سەفین دزەیی" بڵاوکردوەتەوە.
سکاڵاکەی مەسرور بارزانی، لەسەر ئەو وتەیەی سۆران عومەر بووە، کە لە بەرنامەی تاوتوێدا ڕایگەیاندبوو "کورێکی مەسعود بارزانی، نەوتی عەین زالەی فرۆشتووە و کەناڵێکی ئاسمانی بە بڕی ٧٩ ملیۆن دۆلار دامەزراندووە".
هەروەها سکاڵاکەی سەفین دزیی، لەسەر وتەیەکی سۆران عومەر بووە لە هەمان بەرنامەی تاوتوێدا کە وتوویەتی "لەم کاتی قەیرانی داراییەدا ئۆتێلێک بە ناوی ئوتێل هەورامان لە نزیک ئوتێل چوارچرای شاری هەولێر لە لایەن خێزانی وتەبێژی حکومەتەوە تەواوکراوە".
لەبارەی ئەوەی پەرلەمانتارانی هەرێم، پارێزبەندی (حصانة) هەیە و چۆن دادگای هەولێر دادگایی کردنی ئەو پەرلەمانتارەی ئەنجامداوە بەبێ ئەوەی پەرلەمانی کوردستان پارێزبەندی پەرلەمانتارەکەی لابردبێت، سۆران عومەر بە دیجیتاڵ میدیای ئێن ئاڕ تی ڕاگەیاند "لە دادگای مەدەنی وتەبێژی حکومەت و ڕاوێژکاری ئەنجومەنی ئاسایشی هەرێم سکاڵایان لەسەر تۆمارکردوە، دادوەری دادگای هەولێریش ڕۆژی ٢٠ ی ١٢ی ٢٠١٦ بڕیاری خۆی لەبارەی دۆسییەکەوە دەرکردوە".
سۆران عومەر ئاماژەی بۆ ئەوەشکرد، لەسەر هەمان دۆسییەی دادگایی کردنی، لە ڕێگەی داواکاری گشتی و دەستەی دەستەی دەستپاکی هەرێمەوە، سکاڵا لەسەر هەریەکە لە وتەبێژی حکومەتی هەرێم و ڕاوێژکاری ئەنجوومەنی ئاسایشی هەرێم تۆمارکراوە، بەڵام تائێستا ئەنجامی دۆسییەکان یەکلایی نەبووەتەوە.

لێرەوە تەواوی ئەو بەرنامەیەی تاوتوێ ببینە کە سۆران عومەر بەشداری تێداکرد و دواتر سەفین دزەیی و مەسرور بارزانی سکاڵایان لە دادگا تۆمارکرد لە دژی وتەکانی سۆران عومەر. 



يتم التشغيل بواسطة Blogger.

لەلایەن ئاژانسی وڵات

جه‌ژنتان

پیرۆزبێت

جه‌ژنتان

پیرۆزبێت