Halloween party ideas 2015
banner




وتەبێژی بەڕێوەبەرێتی پۆلیسی هەولێر وەڵامێكی توندی سۆران عومەر پەرلەمانتاری كۆمەڵی ئیسلامی دەداتەوە و دەڵێت "ئەندام پەرلەمانێك، كە هیچ لە شێوازی كارگێڕی و رێكاری یاسایی نەزانێت، چۆن ئەندام پەرلەمانێكە و چۆن ئەو دەنگدەرانەی كەوا دەنگیان پێداوە پەشیمان نابنەوە و ئاخ هەڵناكێشن لە بەفیڕۆچونی دەنگەكانیان؟".

لەبەرانبەر قسەكانی سۆران عومەر سەرۆكی لیژنەی مافی مرۆڤ لە پەرلەمانی كوردستان، كە وتویەتی لە پۆلیسی هەولێردا گەندەڵی هەیە، رائید هۆگر عەزیز وتەبێژی پۆلیسی پارێزگاكە لەڕێی پەیجی خۆیەوە لە فەیسبوك وەڵامی داوەتەوە و دەڵێت "ئەو پەرلەمانتارە بۆ روونكردنەوەی یەك نوسراو، چەندین هەڵە و قسەی هەڵەت و پەڵەتی كردوە كە كەسێكی نەخوێندەواریش بێنی لەسەر شەقامەكان ئەم بۆچوونە سەقەتە ناكات". دەشڵێت "ببوورە كاكەی پەرلەمانتار با كەمێك فێری شێوازی كاری كارگێڕیت بكەین ئەگەر لێمانی قبوڵ بكەیت".

ئەو وتەبێژە رونیكردۆتەوە، كە نوسراوەكە هی بەڕێوەبەرایەتی بەرگری شارستانییە نەك بەڕێوەبەرایەتی پۆلیسی هەولێر و دەشپرسێت " باشە بەڕێوەبەرایەتی بەرگری شارستانی خۆ نەبۆتە شارەوانی تاكو رەزامەندی لەسەر دابینكردنی پارچەیەك زەوی بۆ هۆڵێك بكات؟ بەڵكو تەنها كاری بەرگری شارستانی رەزامەندی لەسەر سیستەمی ئاگر كوژێنەوەو دیزاینی هۆڵەكە دەدات تاكو بزانێت تا چ ئاستێك توانای ئاسانكاری لەكاتی حاڵەتی نەخوازراو هەیە".

وتەبێژی پۆلیسی هەولێر، سۆران عومەر پەرلەمانتاری كۆمەڵی ئیسلامی بەوە تۆمەتبار دەكات، كە بەرگری لەكاری نایاسایی دەكات و رێگری لە كاری یاساییش دەكات و پێی دەڵێت "نەدەبوو تەجاوز بەحەق بزانیت و شێوازی یاساییش بەناحەق".
هەروەك لێی دەپرسێت "بۆ ئەوەندە كێشەت لەگەڵ پۆلیسی هەولێر هەیە ئێ دەجارێكیش پێمان داهەڵبرێ خۆ لەدەمت كەم نابێتەوە".

رائید هۆگر عەزیز زیاتر هێرش دەكاتەسەر پەرلەمانتارەكە و دەڵێت "بەداخەوەم تاكو ئێستا نەزانراوە لەلایەن ئێمەوە كە بەڕێزتان بەرپرسی كام لیژنەن لە پەرلەمان؟ لەباسی دارایی هەر جەنابتان لێدوان دەدەن، لەسەر نەوت، كارەبا، شارەوانی، ناوخۆ، پێشمەرگە، مافی مرۆڤ، ناوچە دابڕێنراوەكان، شەهیدان و ئەنفالكراوان".

لە كۆتاییشدا روبەڕو پرسیار لە سۆران عومەر دەكات و دەڵێت " ئێ دەباشە بەس روونی كەوە تۆ بەرپرسی چ لیژنەیەكی لە ئێمەشت تێكداوە بەڕێزم تاكو لە پسپۆڕیەكەت شارەزابین یان دیارە بەشارەوەیی دەیهێڵیەوە تا خەڵك كارامەیی و زیرەكیەكەت هەڵێنێ و وەك مەتەڵ بۆیان جێدێڵی".
يتم التشغيل بواسطة Blogger.

لەلایەن ئاژانسی وڵات

جه‌ژنتان

پیرۆزبێت

جه‌ژنتان

پیرۆزبێت