Halloween party ideas 2015
banner

د. بەختیار شاوەیس

 لەدواهەمین زانیاریە دزە پێكراوەكانی ویكلیكس ، ئاماژە بەوە دەكات كە ئاشتی هەورامی وەزیری سامانە سروشتیەكانی حكومەتی هەرێمی كوردستان لەمانگی ئازاری ئەمساڵدا پێشنیاری كردوە كە بەشێك لەكێڵگە نەوتیەكانی هەرێمی كوردستان بفرۆشێت بە توركیا و ئەمەشی بە پرۆژەیەك داوەتە بەردەست وەزیری وزە و سەرچاوە سروشتیەكانی حكومەتی توركیا.

 بەڵگەنامەكانی ویكلیكس كەرەهەندێكی نێودەوڵەتی هەیە و شڵەژانی لەئاستی پەیوەندیە ژێربەژێەكانی نێوان سەركردە باڵاكانی دونیا دروستكردوە و بوەتە هۆكارێك یۆ كەشفكردنی گەندەڵیە ئیداری و ئابووری و ئەخلاقیەكان ، ئەگەر ئەمەی فرۆشتنی كێڵگە نەوتیەكانی كوردستان راست بێت ئەوا لەكەمترین مانادا فرۆشتنی وڵاتە بەدەوڵەتێكی داگیركار كە ناوی توركیایە و تائێستاش دان بە ناسنامە و شوناس و زمان و جلو بەرگی زیاتر لە 20 ملیۆن كورد نانێت و لەتازەترین هەنگاوی حیزبە دەسەڵاتدارەكەیدا دەیان پەرلەمانتاری هەڵبژێرراوی كورد لە زیندانەكان توند دەكات.

 پرسیارەكە لەوە تێپەریوە كە ئەم هەنگاوە مەترسیدارە دەستووری یان قانونیە ، یان لەخزمەتی خەڵكی كوردستاندایە چونكە ئەم وەزیرەی سامانە سروشتیەكان، زۆر دەمێكە لەدەرەوەی دەستوور و یاسا سامانی نەوەكانی داهاتوومان دەفرۆشێت و كەسیش نازانێت خێرو بێرەكەی چی لێدێت و داهاتەكەی بەناشەفافی هەڵدەلوشێت.

بەڵكو پرسیارەكە ئەوەیە لەبیرتانە بریار بوو لەداهاتی فرۆشتنی نەوت بەسەربەخۆیی ، هاوڵاتیانی كوردستان بەشداری پێبكەن و خێرەكەی بگەیەننە هەموو ماڵێك؟ لەیادتانە دەتانوت فرۆشتنی نەوتەكەی خۆمان لەرێككەوتنی پەنجا ساڵیدا دەكەینە سەرەتایەك بۆ دەوڵەتی سەربەخۆ؟ بەڵام كام دەوڵەت ، ئەو دەوڵەتەی كە كارەبای نەبێت ، ئاوی خواردنەوەی نەبێت ، نەوت نەبێت ، خوێندنگە وەستا بێت ، هاتنی نیوە موچە بوبێتە هەواڵی بەپەلە، بە هەفتەیەك موچەی مانگی 10 ی دوو دەستەو وەزارەتێك بدرێت و كۆتا رۆژەكانی ساڵ بێت؟ خەڵكی كوردستان ئەمساڵیشیان بەم مەینەتیانەی سیاسەتی نەوتی سامانە سروشتیەكان راكێش بێئاگا لەوەی كە كاك ئاشتی هەورامی سەرگەرمی فرۆشتنی وڵاتەكەمانە و ئەگەر كار وابروات دەبێت چاوەرێ بین لەساڵی ئایندە مناڵەكانیشمان بفرۆشێت وەك ئەوەی كە داهاتویانی فرۆشتوە.
يتم التشغيل بواسطة Blogger.

لەلایەن ئاژانسی وڵات