Halloween party ideas 2015
banner




شەڕڤانانی ئۆپەراسیۆنی توڕەیی فورات شارۆچكەی سوێدییەی گەورەیان لە رۆژئاوای رققە رزگار كرد و گەیشتنە سەر بەنداوی فورات كە گەورەترین بەنداوە لە سوریا، لە شەڕ و پێكدادانەكانی ئەو شارۆچكەیەشدا، (73) چەكداری داعش كوژران.

بەپێی هەواڵێکی هاوار نیوز، دوێنێ شەڕڤانانی ئۆپەراسیۆنی توڕەیی فورات ئۆپەراسیۆنێكیان بۆسەر شارۆچكەی سوێدییەی گەورە لە رۆژئاوای شاری رققە دەست پێ كردو توانیویانە شارۆچكەكە كۆنترۆڵ بكەنەوە و بگەنە سەر بەنداوی فورات كە گەورەترین بەنداوە لە سوریا و كارەبای ئەو وڵاتە دابین دەكات، بەپێی زانیارییەكانیش، لە ئۆپەراسیۆنەكەدا چەندین ئوتۆمبێلی داعش تەقێنراونەتەوە و (73) چەكداری داعشیش كوژراون.

هاوكات سەرچاوەیەك لە هێزەكانی سوریای دیموكرات ئاشكرای كردوە، شارۆچكەی سوێدییەی گەورە لە روی هێزی پشتیوانییەوە بۆ داعش زۆر گرنگە بوە، چونكە سەرجەم ئوتۆمبێلە بۆمبڕێژكراوەكانی لەو شارۆچكەیە ئامادە كردون‌.

ئاماژەی بەوەشكرد، بە رزگار كردنی ئەو شارۆچكەیە پەیوەندیی نێوان سوێدیە و بەنداوی فورات لەگەڵ شاری رققە پچڕێنراوە.
يتم التشغيل بواسطة Blogger.

لەلایەن ئاژانسی وڵات