Halloween party ideas 2015
banner



ئه‌ندامێكی جڤاتی نیشتیمانیی بزووتنه‌وه‌ی گۆڕان ئه‌وه‌ ئاشكرای كرد كه‌ هاتنه‌وه‌ی نه‌وشیروان مسته‌فا نزیك بووه‌ته‌وه‌ و ئه‌گه‌ری هه‌یه‌ به‌ر له‌ نه‌ورۆز بگه‌ڕێته‌وه‌، ئه‌گه‌ر بڕیاره‌كه‌ی نه‌گۆڕێت و به‌ وته‌ی چه‌ند به‌رپرسێكی گۆڕانیش ناوبراو پێی وتوون له‌ پڕ دێمه‌وه‌، كه‌ ئێوه‌ له‌ خه‌ودا بن.

نه‌وشیروان مسته‌فا ڕێكخه‌ری گشتیی بزووتنه‌وه‌ی گۆڕان مانگی 9 ی ساڵی 2016 به‌ مه‌به‌ستی چاره‌سه‌ری پزیشكی چووه‌ته‌ وڵاتی به‌ریتانیا و تا ئێستا نه‌گه‌ڕاوه‌ته‌وه‌.

ئه‌ندامێكی جڤاتی نیشتیمانیی بزووتنه‌وه‌ی گۆڕان كه‌ نه‌یویست ناوی بڵاو بكرێته‌وه‌ ده‌ڵێت: گه‌ڕانه‌وه‌ی نه‌وشیروان مسته‌فا نزیكه‌ ‌و ئه‌گه‌ری ئه‌وه‌ هه‌یه‌ له‌ نه‌ورۆزدا بگه‌ڕێته‌وه‌ هه‌رێمی كوردستان، ئه‌گه‌ر بڕیاره‌كه‌ی نه‌گۆڕێت.

ره‌ئوف عوسمان، ڕێكخه‌ری جڤاتی گشتیی بزووتنه‌وه‌ی گۆڕان ده‌ڵێت: نه‌وشیروان مسته‌فا به‌ چه‌ند براده‌رێكی وتووه‌ كه‌ له‌وانه‌یه‌ ڕۆژێك له‌ پڕێكدا بێمه‌وه‌ سلێمانی، هاتنه‌وه‌شی په‌یوه‌ندیی به‌ كاته‌كانی خۆیه‌وه‌ هه‌یه‌.

وتیشی: ״نه‌وشیروان مسته‌فا تا ئێستا باری ته‌ندرووستیی باشه‌، كه‌سیش جێگه‌ی ناگرێته‌وه‌، كاره‌كانی نه‌وشیروان مسته‌فا له‌ناو گۆڕاندا دابه‌ش كراوه‌ به‌سه‌ر چه‌ند براده‌رێكدا.
يتم التشغيل بواسطة Blogger.

لەلایەن ئاژانسی وڵات