Halloween party ideas 2015
banner





عەلی باپیر ئەمیری كۆمەڵی ئیسلامی كوردستان لەبارەی بارگرژییەكانی قەزای شەنگال پەیامێكی بڵاوكردەوە‌و لەبەشێكی پەیامەكەدا دەڵێ‌ “كۆكردنەوەی ئەو هەمو هێزانە بۆ پێش كاولكرانی شەنگال باش بو”.

ئەمڕۆ (شەممە) عەلی باپیر ئەمیری كۆمەڵی ئیسلامی كوردستان پەیامێكی لەبارەی بارگرژییەكانی قەزای شەنگال بڵاوكردەوە‌و لەبەشێكی پەیامەكەدا دەڵێ‌ “كۆكردنەوەی ئەو هەمو هێزانە بۆ پێش كاولكرانی شەنگال باش بو”.

جەغتیش دەكاتەوە كە بارگرژیی سەربازی نەكرێتە سەرباری بارگرژیی سیاسی!.

 دەقی پەیامەكەی عەلی باپیر ئەمیری كۆمەڵی ئیسلامی كوردستان :

شەڕی یەكدی كوژیی كردن هەر نەبڕایەوە؟!

دوێنێ‌: 3/3/2017ز خەریك بوو جارێكی دیكە شەڕی نەگریسی یەكدیی كوژیی لەدەڤەری شەنگال سەر هەڵبداتەوە، لەوبارەوە زۆر بەكورتیی دەڵێم:

یەك:
خەڵك‌و جەماوەری كوردستان چاوەڕێن بڕیار بەدەستان، ئەو بارگرژییە سیاسییەی هەشە، كۆتایی پێ‌بێ‌‌و، هەموو لایەنە سیاسییەكان لە كەشێكی پڕتەباییدا، بۆ چارەسەری كێشەكان‌و كاراكردنەوەی دامەزراوەكان، پێكەوە كۆببنەوە، نەك بارگرژیی سەربازییش بكەنە سەرباری بارگرژیی سیاسیی!

دوو:
بەئەزموونی ڕابردوومان: وەك ڕۆژی ڕوون دیارە كە هەمیشە خوێنی ڕژاوی كوردان، لەشەڕی یەكدی كوژییدا، ئاوێك بووە ڕژاوەتە ئاشگێڕی دوژمنانەوە!

سـێ‌:
پێم سەیرە پاش وێران كردنی شەنگال لەلایەن داعشەوەو، تاڵان كردنی‌و بەتاڵان برانی مرۆڤەكانی، كەڵەكە كردنی ئەو هەموو هێزە كوردییە جۆراوجۆرانە “كە ڕاگەیاندن دەڵێ‌: پازدە جۆرن!” لەپای چی؟! ئەو كۆكردنەوەی هێزە بۆ پێش كاولكرانی شەنگال باش بوو!

چوار:
خوای میهرەبان فەرموویەتی: (ۆڵا تَقْتُلُوا أَنْفُسَكُمْ إِنَّ الڵّهَ كَانَ بِكُمْ رَحِیمًا) النسا‌و -29-، واتە: وە خۆتان مەكوژن بێگومان خوا بەرانبەرتان میهرەبانە، كە بێگومان ئەو ئایەتە موباڕەكە، خۆكوژیی بەكۆمەڵ دەگرێـەوەو، مەبەست پێ‌ی شەڕو كوشتاری نێوخۆیە.

ئنجا ئایا كاتی ئەوە نەهاتوە، ئێمەش وەڵامی خوای میهرەبان بدەینەوەو، پەند لەڕابردوو وەربگرین‌و چیدی نەبینە پەندی خەڵكی؟!

عــەلــی بـاپـیـر
5/6/2017ك
4/3/2017ز
يتم التشغيل بواسطة Blogger.

لەلایەن ئاژانسی وڵات

جه‌ژنتان

پیرۆزبێت

جه‌ژنتان

پیرۆزبێت