Halloween party ideas 2015
banner



ئەنجومەنی سەركردایەتی پارتی لە پارێزگاكانی سلێمانی و هەڵەبجە لەرێگەی بەیاننامەیەكەوە رایدەگەیەنێت، ئەگەر ڕۆمانی ڕوسی لە پاڵتۆكەی گۆگڵەوە بناسرێتەوە، ئەوا بزوتنەوەی ڕزگاری خوازی نەتەوەیی كورد، لەجامانە سورەكەی بارزانییەوە دەناسرێتەوە.

دەقی بەیاننامەكە...

بەیاننامەی ئەنجومەنی سەركردایەتی پارتی دیموكراتی دیموكراتی كوردوستان لە پارێزگاكانی سلێمانی و هەڵەبجە ...

بەناوی یەزدانی گەورەو میهرەبان

ئازار مانگە گەش و ڕەشەكەی مێژوی بزاڤی ڕزگاری خوازی نەتەوەكەمانە و ، ڕۆژێكی ئەم مانگە نیە ڕوداوێكی كارەسات بار و غەمگین، یان سەركەوتن و مژدەیەكی بۆ نەتەوەكەمان تێیدا تۆمار نەكرابێت ،دیارە ئەمڕۆ یەكی ئادارە و ( سی و هەشت ) ساڵ بەسەر كۆچی دوایی سەركردە و ڕابەری نەتەوەییمان بارزانی نەمردا تێپەڕ دەبێت و،بەو بۆنەیەوە سڵاو و دروود بۆ ڕحی گەش و مێژووی پڕشنگداری ئەو ڕابەرەی كە دادپەروەری و یەكسانی كۆمەڵایەتی و مرۆڤ سالاری و ڕەتكردنەوەی زوڵم و ستەم و خۆشەویستی نیشتیمان و كوردایەتی ، لەئاكار و كرداریدا ڕەنگی دابۆوە و ، ئاوێتەی ژیان و ڕەفتاری ببوو .

بارزانی ئەو سەركردە كاریزمایەی كە دامەزرێنەری پارتی دیموكراتی كوردوستان و گەورەترین شۆڕشی كوردایەتی ( ئەیلولی مەزن ) بوو ،بەڵام بە پێچەوانەی هێزە دروشم باز و ئایدیۆلۆژییەكانەوە ، كە گەل دەكەن بە ئامراز بۆ خزمەتی ئامانجی حیزب ، بارزانی هەمیشە جەختی دەكردەوە كە حیزب ئامرازە بۆ بۆ خزمەتی ئامانجێكی گەورە ، كە گەل و نیشتیمانە . بۆیە دەیفەرموو ( من خزمەتكار و پاسەوانی گەلم ) وە فەلسەفەی رێبازەكەشی لە خودا ناسین و گەل سالاری و مرۆڤ دۆستی و یاسا پارێزی و ئاشتی و ئازادی و دیموكراتی و خۆشەویستی نیشتیمان و كوردایەتی و فرەیی و پێكەوە ژیانی ئاشتیانەدا ڕەنگی دابۆوە .

بارزانی ئەو سەركردە ڕەمزی و سمبولی یە بوو كە پیداویستی مێژویی دروستی كردبوو ، لەناو هەست و ئیرادەی خەڵك و لەناو گۆڕەپانی بەرگری دادپەروەرانەی شۆڕشی میللیدا توانی ڕاو ڕایەڵەی كۆمەڵایەتی یە جیاوازەكان كۆبكاتەوەو ئیرادەی میللی لە كوردوستاندا بۆ شۆڕش و خۆڕاگری و پێشمەرگایەتی فۆرمەلە بكات و میژوو بڕسكێنێ ، هەربۆیە گەورە نوسەری عێراقی ( عبدالحسین شعبان ) وتویەتی ( ئەگەر ڕۆمانی ڕوسی لە پاڵتۆكەی گۆگڵەوە بناسرێتەوە ، ئەوا بزوتنەوەی ڕزگاری خوازی نەتەوەیی كورد ، لەجامانە سورەكەی بارزانییەوە دەناسرێتەوە ) .

هەرچەندە بیری نەتەوەیی لای بارزانی بە مانای فرەیی و، پاراستنی جیاوازی زمان و ئایین و هاوسەنگی و پێكەوە ژیانی نەتەوەیی بوو ، هاوكات بارزانی ئەو سەركردە مەیدانی و جوامێرە بوو كە لەڕێگەی ڕوبەڕوبوونەوەی دەستەڵاتە دیكتاتۆر و شۆڤینیەكانی هەرسێ دەوڵەتی ( عێراق و ئێران و توركیا ) وە پەیامی پێكەوە گرێدانی شۆڕشی نەتەوەیی بە نە نەیاران و داگیركەران دەداو ، پێی دەوتن كەكوردوستان یەك نیشتیمانە و گەلی كوردیش یەك چارەنوسی هاوبەشی هەیە و دەبێت لە چوارچێوەی یەك سنوری شەرعی و پێناسەكراودا خۆی كۆبكاتەوە .

لەیادی (سی و هەشت) ساڵەی كۆچی دوایی ئەو ڕابەر و سەركردەیەدا و لە كاتێكدا كاروانی ڕێبازەكەی بەردەوامی هەیە و لە ئیستاشدا لە گەورەترین و گرنگترین ئامانجی مێژوویی نزیك بۆتەوە، ئەركی هەموو لایەكمانە كە پەیڕەوی ڕێبازی بارزانی بكەین و فەلسەفەكەشی پەخشی ناو كایەی سیاسی و كۆمەڵایەتی و ڕۆشنبیری و بەڕێوەبردنی ووڵات بكەین ، كە ئاسانترین ڕێگایە بۆ سەرفرازی و سەركەوتن و چارەسەری كێشەكانمان .

لەیادی 38 ساڵەی كۆچی دوایی باوكی ڕوحی و نەتەوەیی كورد ( بارزانی ) نەمردا هەزاران سڵاو و دروود بۆ ڕوحی ئەو ڕابەرە مەزنە و كاكە ئیدریسی هەمیشە لەیاد و سەرجەم شەهیدانی كورد و كوردوستان ئەنێرین .
يتم التشغيل بواسطة Blogger.

لەلایەن ئاژانسی وڵات