Halloween party ideas 2015
banner





پەرلەمانتارێکی پارتی دەڵێت، ڕیفراندۆم پێویستی بە پەرلەمان نییە و گۆڕان و یه‌كێتیش پەیامێکیان دایه‌ ئێمه‌، كه‌ مه‌سعود بارزانی نه‌ك ده‌وڵه‌ت، به‌هه‌شتیش له‌سه‌ر خاكی پیرۆزی كوردستان دابمه‌زرێنێت قبوڵیان نییه‌.

ئاری هەرسین پەرلەمانتاری پارتی لە پەڕەی تایبەتی خۆی لە فەیسبووک بابەتێکی لەسەر کۆبوونەوەی سەرکردایەتی هاوبەشی نێوان گۆران و یەکێتی بڵاوکردەوە.

لە بابەتەکەیدا ئاری هەرسین دەڵێت "هه‌ردوو حیزبی گۆڕان و یه‌كێتی نیشتیمانی كوردستان ئه‌مڕۆ كۆبوونه‌وه ‌و، زۆر به‌ ساده‌یی و به‌ ئاشكرا بۆچوونی خۆیان له‌سه‌ر ڕیفراندۆم ده‌ربڕی.

ئه‌م دوو حیزبه‌ به‌ڕێزه‌ مه‌سجێكێیان دایه‌ ئێمه‌، كه‌ مه‌سعود بارزانی نه‌ك ده‌وڵه‌ت، به‌هه‌شتیش له‌سه‌ر خاكی پیرۆزی كوردستان دابمه‌زرێنێت قبووڵیان نییه‌. ئیتر هه‌تا كه‌ی سه‌رۆكی كوردستان چاره‌نوسی میلله‌تێك ده‌كاته ‌قوربانی بێساحێبی ناو یه‌كێتی و توڕه‌بوونی گۆڕان؟".

لەوەڵامی ڕاگەیەندراوەکەی گۆڕان و یەکێتیشدا دەڵێت "به‌ڕێزتان ده‌توانن چۆنتان حه‌ز لێیه‌ وا بژین، به‌ڵام ئێمه‌ هه‌رچه‌نده‌ عەره‌ب به‌ برای خۆمان ده‌زانین، حه‌زمان لێیه‌ براكان هه‌ر كه‌س له‌ ماڵی خۆیان بژین".

جەختی لەسەر ئەوەش کردووەتەوە کە دەوڵەت لە گوندێکیشدا دادەمەزرێت و دەشڵێت "سه‌رۆكی كوردستان نابێت بهێڵێت كه‌ هیچ كه‌س یاری به‌ كات له‌گه‌ڵیدا بكات، خافڵی بكات و موهیمه‌ سه‌ره‌كیه‌كه‌ی له‌بیر به‌رێته‌وه".

هەروەها ئاری هەرسین ئەوەشی نووسیوە کە "كه‌سی سیاسی مه‌بده‌ئی جورئه‌تی بڕیاردانی هه‌یه‌، هه‌ر ئه‌و جورئه‌ته‌ له‌ به‌ڕێزیان چاوه‌ڕوان ده‌كرێت، كه‌ به‌ یه‌كێتی و گۆڕان بڵێت (له‌گه‌ڵمانن؟... فه‌رمون). گه‌ر له‌گه‌ڵیشمان نین مۆفه‌ق بن و، هه‌ر كه‌س به‌ ڕێگای خۆی، ئینسان كه‌ به‌ ئاڕاسته‌ی خۆر هه‌نگاوی هه‌ڵهێنا ده‌بێت ته‌حه‌مولی گه‌رما سوتێنه‌ره‌كه‌شی بكات، ڕێگای سه‌ربه‌خۆیی هه‌نگاونانه‌ به‌ره‌و خۆری ئازادی".

ئاماژەی بۆ ئەوەش کردووە کە، ڕیفراندۆم مافه‌، خێر و سه‌ده‌قه‌ نییه‌ به‌غدا و تاران و ئه‌نقه‌ره‌ یان كوێ و كوێ به‌ كوردی بكه‌ن.

ئەمڕۆش سەرکردایەتی هاوبەشی گۆڕان و یەکێتی کۆبوونەوە و لە ڕاگەیەندراوێکدا ئاماژەیان بۆ ئەوە کرد کە ڕاگەیاندنی سەربەخۆیی مافی گەلی كوردستانە و پێویستە ئامادەكاری هەمەلایەنەی بۆ بكرێت بەئەنجامدانی ریفراندۆمیشەوە. ئەم بابەتە بابەتێكی نیشتمانیە و لەبەر ڕۆشنایی بەرژەوەندییە باڵاكانی گەلی كوردستان لە پەرلەمانی كوردستان یەكلایی دەكرێتەوە.

لەڕاگەیەندراوەکەیاندا دەشڵێن "هەردوولا كۆكن لەسەر ئەنجامدانی ڕیفراندۆم لە ناوچە كوردستانییەكانی دەرەوەی سنوری ئیداریی هەرێمی كوردستان".


يتم التشغيل بواسطة Blogger.

لەلایەن ئاژانسی وڵات