Halloween party ideas 2015
banner



ئەندامێکی پەرلەمانی کوردستان لە فراکسیۆنی بزوتنەوە رایدەگەیەنێت، لە دیداری سلێمانی نێوان لایەنە ئیسلامییەکان پێشنیاری دروستکردنی مەرجەعێکی باڵای ئیسلامی لەهەرێمی کوردستان کراوە و پێش مانگی رەمەزانیش یەکەم کۆبونەوەی لەبارەوە ئەنجامدەدەن.

شوان قەڵادزێی، ئەندامی پەرلەمانی کوردستان لە فراکسیۆنی بزوتنەوە بە کورد میدیا-ی راگەیاند:" لە دیداری سلێمانی کە لەلایەن سێ لایەنە ئیسلامییەکە و کۆمەڵێک رێکخراوی مەدەنی ئەنجامدرابوو لە 15ی نیسان، یەکێک لە پێشنیارەکانی دیدارەکە ئەوە بوو کە مەرجەعێکی باڵای ئیسلامی لەهەرێمی کوردستان دروستبکرێت، لەکۆمەڵێک زانای شارەزاو زۆر بەتوانای کوردستان پێکبهێنرێت".

وتیشی:" ئەم مەرجەعە رۆڵێکی ئیجابی دەبینێت لە هەم لە لایەنی ئاینی و لایەنی نیشتیمانی، هەروەها دەتواێت دەسەڵاتێکی فراوانی هەبێت، بەجۆرێک خواروخێچی و لادانی هێزە سیاسییەکان و حکومەت-یش راست بکاتەوە، بۆیە ئەمە جارێک بیرۆکەیەکە وەک سەرەتایەک، بەڵام لە دیدارەکەدا، قسەی لێوەکراوە و هەوڵەکانیش بۆ پێکهێنانی بەردەوامە".

ئەو ئەندامەی پەرلەمانی کوردستان لە فراکسیۆنی بزوتنەوە ئاماژە بەوەشدا:" رەنگە لە پێش مانگی رەمەزان، بۆ دەستپێکی گفتوگۆکانمان لەسەر دروستکردنی ئەو مەرجەعە، کۆبونەوەیەک لەنێوان لایەنە سیاسییەکان و رێکخراوەکانی کۆمەڵگەی مەدەنی ئەنجامبدەین".
يتم التشغيل بواسطة Blogger.

لەلایەن ئاژانسی وڵات