Halloween party ideas 2015
banner



سوپای پاسداران رایگەیاند، ئەمڕۆ هەینی لە رۆژهەڵاتی کوردستان پێکدادان لەگەڵ گروپێکی چەکداریدا روویداوە و چەند کەسێک کوژراوە. 

پێگەی سوپا نیوزی سەربە سوپای پاسداران بڵاویکردوەتەوە"ئەمڕۆ هەینی لە پێکدادانێکی چەکداریدا لە کوردستان سێ چەکدار کوژراون". 
وتوشیەتی"ئەم گروپە ویستوویانە ئەمنیەتی وڵات تێکبدەن، بەڵام رێگایان لێگیراوە و چەندین جۆر چەک و تەقەمەنیش دەستی بەسەردا گیراوە". 

تا ئێستا هیچ لایەنێک لە رۆژهەڵاتی کوردستان لەبارەی پێکدادانی چەکدارییەوە روونکردنەوەی نەداوە و سوپای پاسدارانیش ئەو لایەنەی دەستنیشان نەکردووە. 

ئەمە لە کاتێکدایە کە پێشتر حزبی دیموکراتی کوردستانی ئێران رایگەیاندبوو سوپای پاسداران، وێڕای هێنانی هێزی نوێ لە شارەکانی دیکەی ئێرانەوە بۆ کوردستان چەک و چۆڵیان رەوانەی شارەکانی کوردستان کردووە. 

راشیگەیاندبوو"بنکە سەربازییەکانی سنورەکانی باشووری کوردستان و رۆژهەڵات نۆژەنکراونەتەوە و ئامادە کراون".
يتم التشغيل بواسطة Blogger.

لەلایەن ئاژانسی وڵات