Halloween party ideas 2015
banner



درەنگانێکی شەوی رابردوو چەکدارانی داعش هێرشیان کردە سەر هێزەکانی پێشمەرگەى کوردستان لەزەرگە، لەئەنجامدا دوو پێشمەرگە شەهید بوون و بەرپرسێکیش برینداربوو. 

مقەدەم حەکیم تەگەرانی، ئەفسەر لەهێزی حەرەکانی میحوەری خورماتووی هێزی پێشمەرگە رایگەیاند "ئەوەى باسدەکرێت هێرشەکە لەقۆڵێکەوە بووە، دوورە لەراستییەوە، داعش لەسێ قۆڵەوە هێرشی کردە سەر ناوچەى زەرگە، شەڕەکەش چوار کاتژمێری خایاندووە". 

تەگەرانی ئاماژەى بەوەشکرد "داعش هێرشێکی چڕ و پڕیانکرد، سەنگەرێکی پێشمەرگەیان کۆنترۆڵکرد، دواتر پێشمەرگە دژە هێرشیکردەوە و سەنگەرەکەیان وەرگرتەوە". 

ئەو ئەفسەرە باسی لەوەشکرد "داعش کوژراوێکی زۆری هەبوو، بەڵام لاشەکانیان بەدوای خۆیاندا رادەکێشا بۆ ئەوەى بەردەست هێزی پێشمەرگە نەکەون". 

سەبارەت بەڕۆڵی هاوپەیمانان، مقەدەم حەکیم وتی "ئەوان بەچری داعشیان بۆردوومان دەکرد". 

جێی ئاماژەیە، نزیکەى مانگێک دەبێت ئەمە دووهەمین هێرشی داعشە لەو سنوورە بۆ سەر هێزی پێشمەرگەى کوردستان، هێرشی یەکەم لەرێکەوتی 18ی مانگی پێشوو بوو لەئاکامدا عەبدوڵا بۆر بەرپرسی میحوەری خورماتوو برینداربوو و داعشیش لەو هێرشە شکستی خوارد.
يتم التشغيل بواسطة Blogger.

لەلایەن ئاژانسی وڵات