Halloween party ideas 2015
banner




وێب سایتی تیرۆریستانی داعش (اعماق) لە هەواڵێكدا رایگەیاند هێرشەكانی ئەمرۆی تارانی پایتەختی ئێران لەلایەن چەكدارانی داعشەوە ئەنجام دراون.

ئەمرۆ بەیانی لە دوو هێرشی جیادا چەند چەكدارێك هێرشیان كردە سەر بینای پەرلەمانی ئێران و مەزارگەی ئیمام خومەینی لە شاری تارانی پایتەخت.

هێرشكەرانی بینای پەرلەمان چوار چەكدار بوون و تا ئێستاش شەڕ و رووبەروونەوە لەنێوان ئەوان و هێزە ئەمنییەكان بەردەوامەو بەهۆی هێرشەكەشەوە چەندین كەس كوژراون بریندار بوون.

هێرشی سەر مەزارگەی ئیمام خومەینیش لەلایەن چەند چەكدارێكەوە ئەنجام دراو یەكێك لە چەكدارەكانیش دوای ئەوەی فیشەی پێ‌ نامێنێت خۆی تەقاندەوەو چەكدارێكی تریش پێش خۆ تەقاندنەوە دەستگیر كراوە.

بەرێوەبەری گشتی دژەتیرۆریش لە وەزارەتی هەواڵگری ئێران ئاشكرای كردووە جگەلەو دوو تیمە تیرۆریستیە كە هێرشیان كردووەتە سەر پەرلەمان و مەزارگەی ئیمام خومەینی، تیمێكی تریش هەوڵی كردەوەی تیرۆریستی داوە بەڵام پێش ئەنجام دانی كارەكە كۆنترۆڵ كراون.

بەپێی دواین زانیاری بەهۆی هەردوو هێرشەكەوە تا ئێستا 35 بریندار رەوانەی نەخۆشخانەكان كراون.
يتم التشغيل بواسطة Blogger.

لەلایەن ئاژانسی وڵات