Halloween party ideas 2015


وونکردنەوەیەک لە لایەن ( دەزگای هەڵبژاردنی یەکێتی نیشتیمانی کوردستانەوە ) 
ڕاپرسی وەهمی...
 به‌پێی هه‌واڵێك كه‌ له‌هه‌ندێك ماڵپه‌ڕو تۆڕه‌ كۆمه‌ڵایه‌تییه‌كانه‌وه‌ له‌زاری سه‌رۆكی ده‌زگای ستاندارد مه‌سعود عه‌بدولخالیقه‌وه‌ هاتووه‌ كه‌ یه‌كێتیی نیشتیمانیی كوردستان ڕاپرسییه‌كی كردووه‌ ئه‌نجامه‌كه‌شی ئه‌وه‌ بووه‌، كه‌ كۆمه‌لی ئیسلامی له‌هه‌ڵبژاردنی داهاتوودا 13 كورسی ده‌هێنێت.
ئه‌م هه‌واڵه‌ جگه‌ له‌ناشاره‌زایی له‌داڕشتن و نادروستی  ناوه‌رۆكه‌كه‌ی، كۆمه‌ڵێك پرسیار ده‌خاته‌ ڕوو: ئه‌گه‌ر ڕاپرسییه‌كه‌ نهێنیه‌، عه‌بدولخالق چۆن زانیویه‌تی؟ چۆن ئه‌وه‌نده‌ به‌ دڵنیایی پشتی پێ به‌ستووه‌؟
 ئه‌گه‌ر واز له‌ جه‌ماوه‌ری كوردستان بهێنین ناوبراو ده‌یه‌ویت چ چاوبه‌ستێك له‌ئه‌ندامانی ڕه‌وته‌ ئیسلامییه‌كه‌ی خۆی بكات، كه‌ هه‌زارو یه‌ك ئایه‌ت و حه‌دیس دژی درۆكردن له‌ هه‌گبه‌كه‌یدا هه‌یه‌و ڕۆژانه‌ به‌ ئێمه‌یدا ده‌ته‌قێنێت.
 با له‌و قسانه‌ بگه‌ڕێن، له‌ڕووی زانستییه‌وه‌ سه‌یری هه‌واڵه‌كه‌ بكه‌ین عه‌بدولخالیق هه‌واڵه‌ گرنگه‌كه‌ی له‌ سیمیناریكی تایبه‌تدا ڕاگه‌یاندووه‌، یانی پێش هه‌موو كه‌س خۆی بڕوای به‌ دروستییه‌كه‌ی هه‌یه‌و وه‌ك دۆزینه‌وه‌یه‌كی گرنگیش به‌ ئاماده‌بوانی ده‌گه‌یه‌نێت ورده‌كارییه‌كانی چین؟ به‌ پێی هه‌واڵه‌كه‌ یه‌كێتی [ بێ ئه‌وه‌ی ده‌ستنیشانی بكات چ ده‌زگایه‌ك له‌ ناو یه‌كێتی دا ] ده‌ هه‌زار فۆرمی بلاوكردۆته‌وه‌ ، به‌ڕاست بۆ ئه‌نجامدانی ڕاپرسی له‌ هه‌رێمی كوردستان كه‌ ژماره‌ی دانیشتوانه‌كه‌ی ناگاته‌ شه‌ش ملیۆن كه‌س، پێویست ده‌كات ده‌هه‌زار فۆرم بڵاو بكرێته‌وه‌؟ ئه‌م قسه‌یه‌ له‌ڕووی زانستی ڕاپرسی وئاماره‌وه‌ ڕێی تێده‌چێت؟
ڕێكخراوێكی گه‌وه‌ره‌ی نێوده‌وڵه‌تی و پڕ له‌پسپۆڕی جیهانی وه‌ك [NDi] له‌ عیراقێكی 
[ 30 ] ملیۆن كه‌سیدا ڕاپرسی ده‌كات ، ته‌نها دوو هه‌زار فۆرم بڵاو ده‌كاته‌وه‌ له‌وه‌ش ته‌نها 5000 سه‌د فۆرمیان ته‌رخان ده‌كات بۆ كوردستان، ئه‌و بابه‌ته‌ش كه‌ قسه‌یان له‌باره‌وه‌ ده‌كات جگه‌ له‌ سیستمی سیاسی و خزمه‌تگوزاری و په‌یوه‌ندی نێوان هه‌رێم و به‌غدا و دنیایه‌ك شتی تر. ئاخر به‌ڕێز ڕاپرسی به‌ ژماره‌ی زۆر نیه‌، به‌ڵكو شاره‌زاییه‌ له‌ هه‌ڵبژاردنی سامپلدا، له‌ كۆمه‌ڵگای توێژینه‌وه‌دا؛ به‌ڵام وا دیاره‌ ئێوه‌مانان زۆر له‌م شتانه‌ نازانن.
پاشان ئه‌گه‌ر سه‌رنجی [13] كورسییه‌كه‌ی عه‌بدولخالیق بده‌ین ئه‌وه‌ ده‌بێت له‌و ده‌هه‌زار كه‌سه‌ [ 13000] كه‌سیان ده‌نگیان دابێته‌ كۆمه‌ڵی ئیسلامی، سامپلی ئه‌م ڕاپرسییه‌ چۆن وه‌رگیراوه‌،ناشێت ئه‌نجامده‌رانی ڕاپرسییه‌كه‌ وه‌ك كاك مه‌سعوود قسه‌خۆش و ژیر بووبن و چووبن له‌ ناو مه‌ڵبه‌ندێكی ئیسلامیدا پرسیاریان له‌ خه‌ڵك كردبێت، ده‌بێت ئه‌م كڵاوه‌ به‌ سه‌ری كی دوورا بێت؟
 له‌ هه‌مووی خۆشتر ئه‌وه‌یه‌كه‌ یه‌كێتیی نیشتمانی كوردستان كه‌ ته‌نها ژماره‌ی ئه‌ندامانی كۆمه‌ڵه‌ی خوێندكارانی له‌ئه‌ندامانی حیزبه‌كه‌ی عه‌بدولخالیق زیاتره‌، له‌ ڕاپرسییه‌[نهێنی] یه‌دا ده‌ كورسی ده‌هێنێت، به‌ڕاستی هه‌ندێ جار پڕۆپاگه‌نده‌ی چه‌واشه‌كاری ئه‌وه‌ند ناشییانه‌ ده‌كرێت كه‌ ده‌بێته‌ نه‌زانی.
 پرسیارێك كه‌ ده‌بوو له‌ سه‌ره‌تادا بمانكردایه‌ ڕاپرسی نهێنی له‌ڕووی زانستیه‌وه‌ چ مانایه‌كی هه‌یه‌، به‌ تایبه‌تی له‌م سه‌رده‌مه‌ی ئینته‌رنێت و ته‌كنه‌لۆژیای په‌یوه‌ندی كردنی خێرادا ؟ به‌ تایبه‌تی و ئه‌گه‌ر كۆمه‌ڵگه‌ی لێكۆڵینه‌وه‌كه‌ت(1) له‌سه‌ر (500) ی هه‌موو كۆمه‌ڵگه‌ی كورده‌واری بێت، ئه‌گه‌ر خه‌ڵكانی خوار ته‌مه‌نی ١٨ ساڵ و نه‌خۆش و زیندانیكراو و ئه‌وانه‌ی له‌ هه‌نده‌رانن و كه‌سانی كاسبی به‌رده‌ست نه‌كه‌وتوو...هتدی لێده‌ربكه‌ین ، ئه‌وه‌ ڕه‌نگه‌ سامپلی ڕاپرسییه‌كه‌ ببێت به‌ (1) له‌سه‌ر (100) جا ئاخر شتێك له‌ هه‌ر (100) كوردێك یه‌كێكیان بیزانێت كوێی نهێنییه‌؟
 له‌ هه‌مووی گرنگتر به‌های ڕاپرسی وه‌همی چه‌نده‌ ؟ تا چه‌ند ده‌توانیت پشتی پێ ببه‌ستیت ؟ ئه‌و ڕاپرسییه‌ وه‌همیه‌ی كاك مه‌سعود عه‌بدولخالیق كه‌ی ئه‌نجام دراوه‌؟ ئه‌مانه‌ پرسیاری ته‌كنیكی و زانستین ،ڕه‌نگه‌ ناوبراو زۆر سه‌ریان لێ ده‌رنه‌كات.
 دواجار به‌وپه‌ڕی دڵنیایی ، وه‌ك ده‌زگای تایبه‌تمه‌ندی یه‌كێتی نیشتمانێی كوردستان له‌ كایه‌ی ڕاپرسی و كاروباری هه‌ڵبژاردن، ڕایده‌گه‌یه‌نین كه‌ له‌ هیچ ئۆرگانێكی یه‌كێتیدا ڕاپرسی له‌و جۆره‌ نه‌كراوه‌، ئه‌گه‌ر بیشیكه‌ین (10000) فۆرم دابه‌ش ناكه‌ین و ئه‌نجامه‌كه‌شی هه‌رگیز ده‌ست عه‌بدولخالیق ناكه‌وێت.
PUKmediaa ده‌زگای هه‌ڵبژاردن




فه‌رمانده‌ی فه‌رمانده‌یی شنگال رایگه‌یاند كه‌ رۆژ له‌ دوای رۆژ حه‌شدی شه‌عبی هێزی خۆی له‌ سنووری شنگال زیاتر ده‌كات و ئه‌وه‌ی ئێمه‌ ئاگادارین ئامانجیان داگیركردنی شنگاله‌، ئه‌و هه‌وڵه‌یش له‌ لایه‌ن ئێمه‌ به‌ هیچ شێوه‌یه‌ك قابیلی قبووڵ نییه‌. 

قاسم شه‌شۆ فه‌رمانده‌ی فه‌رمانده‌یی شنگال له‌ لێدوانێكی بۆ ئاژانسی ئه‌نادۆڵ وتی"چه‌كدارانی حه‌شدی شه‌عبی رۆژ له‌ دوای رۆژ هێزی خۆیان له‌ سنووری شارۆچكه‌ی شنگال زیاتر ده‌كه‌ن، ئامانجیان له‌و هێز زیاتركردنه‌ داگیركردنی شنگال و دروستكردنی هیلالێكی شیعییه‌ كه‌ ئه‌مه‌یش ئێران چه‌ندین ساڵه‌ خه‌باتی بۆ ده‌كات". 

وتیشی‌"ئێمه‌ش وه‌ك كوردانی ئیزدی، فه‌رمانده‌یی شنگال و هێزی پێشمه‌رگه‌ ته‌واوی خاكی شنگال به‌ به‌شێكی دانه‌بڕاوی خاكی هه‌رێمی كوردستانی ده‌زانین و رێگه‌ ناده‌ین هیچ هێز و گرووپێك چاو ببڕته‌ خاكی شنگال و ده‌ستی بۆ درێژ بكات". 

قاسم شه‌شۆ ئه‌وه‌شی‌ خسته‌ڕوو كه‌ "ده‌بێت حه‌شدی شه‌عبی رێز له‌ قوربانیدانی پێشمه‌رگه‌ بۆ شنگال و ئه‌و كاره‌ساته‌ی به‌سه‌ر شنگالدا هات بگرێت، ره‌وا نییه‌ جارێكی به‌ هۆی ململانێی سیاسی و تایفیی شنگال ببێته‌ قوربانی و خوێن له‌ جه‌سته‌ی بچۆڕێته‌وه‌، ئیراده‌ی گه‌لی شنگال به‌ ئیزدی و موسوڵمانیشه‌وه‌ ئه‌وه‌یه‌ حه‌شدی شه‌عبی و په‌كه‌كه‌ له‌ شنگال نه‌مێنێت و تاوه‌كو دۆخه‌كه‌ ئاسایی بێته‌وه‌ و ئاواره‌كان بگه‌ڕێنه‌وه‌ زێدی خۆیان هه‌روه‌ها رێكخراوه‌كان بتوانن شارۆچكه‌ وێران بووه‌كه‌ جارێكی دیكه‌ ئاوه‌دان بكه‌نه‌وه‌". 

فه‌رمانده‌ی فه‌رمانده‌یی شنگال باسی‌ له‌وه‌ش كرد كه‌ "ئه‌و گرووپه‌ ناده‌ستوورییانه‌ی سنووری شارۆچكه‌ی شنگال به‌ میلیشیاكانی حه‌شدی شه‌عبیشه‌وه‌ كه‌لوپه‌ل و سه‌روه‌ت و سامانه‌ به‌جێماوه‌كانی هاووڵاتییانی سنووری شارۆچكه‌ی شنگال، خانه‌سۆر و ته‌له‌عفه‌ریان بۆخۆیان كردووه‌ته‌ سه‌رچاوه‌ی دارایی و هاوشێوه‌ی تیرۆریستانی داعش به‌سه‌ر خۆیاندا دابه‌شیان كردووه‌". 

راشیگه‌یاند كه‌ "په‌كه‌كه‌ و حه‌شدی شه‌عبی به‌رده‌وامن له‌ بازرگانیكردنی نایاسایی و به‌ قاچاغبردنی كه‌لوپه‌لی هاووڵاتییانی سنووره‌كه‌، له‌و ناوچه‌ سنوورییانه‌ی له‌ژێر ده‌سه‌ڵاتی په‌كه‌كه‌ له‌ سنووری عێراق و سووریا، چه‌كدارانی په‌كه‌كه‌ و حه‌شدی شه‌عبی هه‌موو جۆره‌ كه‌لوپه‌لێكی قه‌ده‌ه‌غه‌كراو له‌ سووریاوه‌ هاورده‌ی عێراق و سنووری شنگال ده‌كه‌ن و، ده‌رخواردی هاووڵاتییانی ده‌ده‌ن و وه‌ك خزمه‌تێك به‌ خه‌ڵكی ناوچه‌كه‌ ده‌فرۆشنه‌وه‌". 

فه‌رمانده‌ی فه‌رمانده‌یی شنگال راشیگه‌یاند كه‌ "ئێمه‌ سه‌ربازین و فه‌رمانی سه‌ركردایه‌تی سیاسی سه‌رووی خۆمان جێبه‌جێ ده‌كه‌ین، هه‌ر كاتێك فه‌رمانی ده‌ركردنیان ده‌ربكرێت ته‌واوی خاكی شنگال له‌ سه‌رجه‌م هێزه‌ ناده‌ستوورییه‌كانی وه‌ك په‌كه‌كه‌، یه‌په‌گه‌ و لقه‌كانی دیكه‌ به‌ حه‌شدی شه‌عبیشه‌وه‌ پاكده‌كه‌ینه‌وه‌، به‌ڵام باشتر وایه‌ به‌ رێككه‌وتن و لێكتێگه‌یشتن ئه‌م بابه‌ته‌ یه‌كلایی بكرێته‌وه‌".




تێکۆشەر حوسێن 

کاتێک نەوشێروان مستەفا وەک سەرۆکی لیست وپاشان وەک سەرۆکی پەرلەمانی یوسف محمدی دیاری کرد ، یوسف محمد لا دەکاتەوە بۆ کاک نەوشێروان ، بەڵام قسەیەک ناکات ، نەوشێروان مستەفا ئەیخوێنێتەوە ، پێ ی دەڵێت : بڕۆ سەرۆکایەتی پەرلەمان بگرە دەست ، متمانەی تەواوم پێتە لە سەرکەوتنتا ، گەشبینیشم پێت لە ئاییندەدا. 

دوای دەستبەکاربوون : کاتێک یوسف محمد دەستی بەو ڕێکارە یاسایی یانەی هەمواری قانونی سەرۆکایەتی هەرێم کرد، لەدانیشتنی ۲۳ ی حوزەیرانا بۆیەکەم جار لە مێژووی پارتی دا تەریکی وای بەخۆ نەبینی بوو ، هەستی کرد تەواو پەراوێز کەوتوە خەریکە ئاوت دەبێ لەهەموو شتێ. بۆیە شتێکی مەحاڵیشە دەرچوون لە زیهنیەتی پارتی یەکاندا. 

دواتر بۆ ۱۹ ئاب کاتێ کار گەیشتە دانیشتێکی گەورە تا ئاستی ئەوەی بیانیەکان بە چاودێری قونسولی ئەمریکا تا بەرەبەیان لە دانیشتن دابن، بۆ ئەوەی فشار بخەنە سەر سەرۆکی پەرلەمان لەدواخستنی ئەو دانیشتنە ، دواتر کاردەگاتە ئەوەی تلفۆن بۆ ڕێکخەری گشتی بکرێ لەهەموو لایەنێکەوە ، نێردەی بنێردرێتە لا ، لەوەڵامدا تەنها دەڵێت : کێ سەرۆکی پەرلەمانە بڕۆنە لای ئەو ! 

ئەو فشارەی ئەندامانی باڵای هەموو حزبەکان دەیخەنە سەر دکتۆر یوسف ، ئەویش لە وەڵامدا دەڵێت : ئێمە دەمانەوێت هەیمەنەی حزب بەسەر پەرلەمانەوە نەهیڵین و کۆتایی بەو کلتورە بێنین ! 

کاتێکیش پارتی پەرلەمانی تەعتیل کرد و یوسف محمدی بەهەرزەی سیاسی ناو دەبرد ، هەموویان یەک بەرە توشی غوبنێک بوون بەرانبەر ئەو پیاوە، تا ئاستێک وای لێهات تەواو توشی هیستریا بوون، بەڵام دەبینین لە ئێستادا بارزانی لەڕێگەی مکتبی سیاسی و ڕاوێژکارەکانی یەوە نێردەی ئەوە پەیام دەکەن ، کە ئێمە بێ هیچ پێش مەرجێک ڕازین پەرلەمان بەو دەستە لەسەرۆکایەتی یە کارا بکرێتەوە ، ئەمە لەکاتێکدایە پارتییەکان لە ئاستی باڵا دەیان ووت مەگەر بەخەون یانیش وەک ئەندامێکی ئاسایی پەرلەمان یاوەک هاوڵاتی ، ئەگینا مەحاڵە جارێکی تر دکتۆر یوسف سەرۆکایەتی پەرلەمان بەخۆیەوە ببینێتەوە ! 

کەچی ئێستا هەر ئێوەن ئەتانەوێ خۆتان هەڵبواسن بەو شەمەندەفەری دیموکراسی یەی دکتۆر یوسف شۆفێری ئەکات ، ئەتانەوێ دوانەکەون و پێ ی بگەنەوە ، عادەتەنیش وایە دواکەوتن بەبێ ئاگایی و خراپ دابەزین تا ئاستێکی نزم ، جارێکی تر سەرکەوتنەوە جگە لەوەی کە عەیبەیە لە هەمان کاتیشا ئەستەمیش دەبێ ، چونکە شەمەندەفەر بەگی نیە کاتێ ڕێدەکات هەرگیز بۆ دواوەش ناگەڕێتەوە ، با ئێوە هەر لەدواوەش بن !



ماوەیەک پیش ئێستا لێژنەیەک لە بانکی مەرکەزی بغداد  چونە بانکی کوردستان بۆ   لێکۆڵینەوە لەوە بکەن ھۆکاری نەناردنی کەشفی حسابی بانکی کوردستان لە ماوەی ٢ مانگی رابردو چییە!!!

 ھۆکارەکەی بۆ ئەوە گەڕایەوە   کە بانکی کوردستان پارەیەکی زۆر رەوەنەی دەرەوە دەکات کە ھی  بەرپرسەکانی پارتیە! بە تایبەت نیچیرڤان بارزانی سه‌رۆكی حكومه‌ت و کورەکەی مه‌سعود بارزانی سه‌رۆكی پارتی دیموكراتی كوردستان  و کەسە نزیکەکانیان 


وە لەو پرۆسەیە* شێخ سالار کە سەرۆکی بانکە و محمد شاسوار* کە ناز ناوی حمە اغایە" جێگریەتی  و خزمی نێچیرڤان بارزانیه‌ و چەن کەسێکی ترن بە ناوەکانی بوستام عبود جنابی* کە دەسی زۆر دەروا لە بانکی مەرکەزی و مدیر مفەوزە لە بانکی کوردستان و (تانیا )* کە بەرێوبەری ئای تیە 
کیفا* کە لە دەستەی کارگیریە دەست کاری ژمارەو داتاکان دەکەن کە وایان کر لێژنەی مەرکەزی ھیچی دەس نەکەوێت لە بەرامبەر ئەوە بانکی مەرکەزی سیولەی بۆ ماوەی یەک مانگ راگرت  وەک سزایەک بۆ بانکی کوردستان وە لەئێستادا بانکی کوردستان و ئەو ناوانەی کە بڵاوكراونه‌ته‌وه‌  خەریکی ئامادە کردنی پلانێکی ترن ئەویش بە بەخشینی سلفەی کراوە بۆ فەرمانبەران بۆ پەردە پۆش کردنی کارەکانیان وە لێژنەی مەرکەزی بەغداد بەم کارە ئاگادار نین


ئاژانسی وڵات
سه‌رچاوه‌ : ماڵپه‌ری گروپی سه‌وز ( ماڵپه‌رێكی نزیك له‌ یه‌كێتی نیشتیمانی كوردستان)ه‌



لێخوڕینی ئۆتۆمبیل گێڕ ئۆتۆماتیك زۆر ئاسانە و شۆفێر ماندوو ناكات، بەڵام رەچاو كردنی ئەم خاڵانەی خوارەوە باشترە و ئۆتۆمبیلەكەت بۆ ماوەیەكی زیاتر پارێزراو دەبێت. 

– تەنها ئیستۆپ – برێك بەكاربهێنە بۆ وەستاندنەوەی ئۆتۆمبیل نەك گێڕ گۆڕین یان راكێشانی هاند برێك. 

– لەكاتی وەستاندا، هاند برێك راكێشە بەڵام زۆر توندی مەكە كە لەكاتی گەڕانەوەیدا، ناخۆش بەدەستەوە بێت. 

– لەكاتی وەستانی كاتیدا، گێڕ بخە سەر “N” و برێك راكێشە، نەك ئیستۆپ بكەیت یان لەسەر “D” بیهێڵیتەوە. 

– وریابە، تا ئۆتۆمبیل بەتەواوی نەوەستێ، گێڕ مەگۆڕە بۆ “P” چونكە زەرەری گەورەت لێدەدات. 

– پێویستە بیری گۆڕینی رۆن و هایدرۆلیكی گێڕت هەبێ، پێویستە 150 هەزار كم زیاتر لەسەری نەڕۆیت و زوو فەحسی بكە نەكا كەم بكات. 

– نەكەی هەر گیز ئەو هەڵەیە بكەیت كە بەدەم رۆیشتنەوە گێڕی “D” بگۆڕی  بۆ “R” چونكە ئەوە تەمەنی گێڕەكەت كورت دەكاتەوە. 

– ئەگەر خێرایی ئۆتۆمبیلەكەت لە 20 كم زیاترە، هەرگیز بیر لەوە مەكەرەوە كە گێڕەكەی لە “N” ەوە بگۆڕێ  بۆ “D” یان بە پێچەوانەوە، چونكە وردە وردە گێڕەكەت خراپ دەكات. 

– كاتێ گێڕی ئۆتۆمبیلەكەت لەسەر “N” پێ بە سلێكتەری بەنزیندا مەنێ و پاشان لەپڕ بیدەیتە “D” بۆ ئەوەی ئۆتۆمبیلەكە بەخێرایی دەست بكات بەجوڵە، چونكە ئەوە زۆر خراپە، هەم بۆ گێڕ هەمیش بۆ مەكینە. 

– كارێكی باش ناكەیت ئەگەر ئۆتۆمبیلەكەت بۆ 10 چركە زیاتر راگرت و گێڕەكەی لەسەر “D” باشترە بیدەیتە گێڕی و “N” هاند برێك راكێشە. 

واز لەو خووە بێنە كە هەر ئۆتۆمبیلەكە وەستاند خێرا گێڕەكە بدەیتە “P” بەتایبەتی لەكاتی وەستان لە ترافیك لایتدا. 


ئامادەكردنی :  كورد ئۆتۆ
يتم التشغيل بواسطة Blogger.

لەلایەن ئاژانسی وڵات