Halloween party ideas 2015



کەسوکاری عەلی حسێن ئەو گەنجەی ڕۆژی 14 ی ئەم مانگە لەلایەن ئاسایشی دهۆکەوە دەسگیرکراوە و دواتر بەهۆی سوتانەوە گیانی لەدەستدا دەڵێن کە لەلایەن ئاسایشی دهۆکەوە سوتێندراوە.

برایەکی عەلی حسێن بە ئێن ئاڕ تی وتوه‌، براکەیان ڕۆژی 14ی ئەم مانگە لەلایەن ئاسایشی دهۆکەوە "بەتۆمەتی بەکارهێنانی ماددەی هۆشبەر" دەستگیرکراوە، بەڵام هەر ئەو ڕۆژە براکەیان بە سوتاوی ڕادەستکردووەتەوە و پاش مانەوەی لە نەخۆشخانە بۆ ماوەی ١١ ڕۆژ گیانی لەدەستداوە.

هاوکات خوشکێکی عەلی حسێن کە لە نەخۆشخانە چاودێری کردووە و گرتەیەکی ڤیدیۆیی ناوبراوی تۆمارکردووە وتویه‌تی، براکەیان لەلایەن ئاسایشی دهۆکەوە سوتێندراوە و براکەشی ئەوە پشتڕاستدەکاتەوە.خوشک و براکەی عەلی حسێن داوا دەکەن ڕاستی و دروستی ڕووداوەکە ئاشکرا بکرێت و مافی براکەیان بسەندرێتەوە.

حەلی حسێن تەمەنی ٣٦ ساڵ بووە و خەڵکی دهۆک بووە، پێش گیانلەدەستدانی ماوەی پێنج ساڵ بووە کە لە ئێران گەڕاوەتەوە هەرێمی کوردستان و لەکاتی دەستپێکردنی شەڕی داعشدا بووەتە پێشمەرگە، دوای دوو ساڵ لە بوونی بە پێشمەرگە، عەلی حسێن دوورخراوەتەوە.



دامەزراندنی چەند ئەندامێکی بزوتنەوەی گۆران کە پسپۆریان لەو بوارانەدا نییە کەلە کۆمسیۆنی باڵای سەربەخۆی هەڵبژاردنەکان پێیان دراوە نارەزایی ناوخۆی لەو بزوتنەوەیەدا دروست دەکات.

بەپێی ئەوزانیارییانەیماڵپه‌ری لڤین بڵاوی كردۆته‌وه‌، کۆمسیۆنی باڵای سەربەخۆی هەڵبژاردنەکان لەسەر پشکی بزوتنەوەی گۆران چەند کەسێکی بە فەرمانبەر دامەزراندوە کە هیچ پسپۆرییەکیان لەو بوارەدا نییە.

زانیارییەکان ئاماژە بۆئەوەدەکەن، (ڕ - خ) دەرچووی کۆلێژی کشتوکاڵ لەسەر پشکی بزوتنەوەی گۆڕان کراوەتە بەرپرسی بەش لە کۆمسیۆنی باڵای سەربەخۆی هەڵبژاردنەکان هەروەها (دە - ج) دەرچووی ڤێتەرنەری لەسەر پشکی بزوتنەوەی گۆران کراوەتە بەرپرسی بەشی ئایتی(I.T).

لەبەشێکی دیکەی زانیارییەکاندا هاتووە، دانانی ئەم کەسانە لەلایەن بزوتنەوەی گۆرانەوە نارەزایی لەناوخۆی بزوتنەوەی گۆراندا دروست کردووە. سێ بەڕێوبەری گشتی بزوتنەوەی گۆران لە کۆمسیۆنی باڵای سەربەخۆی هەڵبژاردنەکان چاوەڕێی واژووی سەرۆکی پارتی دیموکراتی کوردستان دەکەن بۆ وەرگرتنی پۆستەکانیان لە کاتێکدا ئەو واژووە بەناوی سەرۆکی هەرێمەوە دەکرێت و بەپێی یاسایی پێویست بەو واژووە ناکات.

بەپێی نوسراوێکی کۆمسیۆنی باڵای سەربەخۆی هەڵبژاردن و ڕاپرسی، ئەنجومەنی کۆمسیاران بە ڕێکەوتی(٧/٢/٢٠١٧)  بە واژووی هەندرێن محەمەد ساڵح، وێنەیەکی ده‌ست كه‌وتووه‌ تێیدا ئاڕاستەی سەرۆکایەتی هەرێمی کوردستان بەشی سەرۆکایەتی دیوان کراوە بە مەبەستی دەرکردنی مەرسومی هەرێمی.

لە نوسراوەکەدا هاتووە، ئەنجومەنی کۆمسیاران گەرمترین سڵاوتان ئاڕاستە دەکات ، ئاماژە بە بڕگەی دووەم لە ماددەی شەشەم لە یاسای کۆمسیۆنی باڵای سەربەخۆی هەڵبژاردن و راپرسی ژمارە (٤) ساڵی ٢٠١٤ ئەنجومەنی کۆمسیاران لە کۆبونەوەی ژمارە (٢)ی بەرواری (١٨/١/٢٠١٧) بڕیاری دامەزراندنی (١٢) بەڕێوبەری گشتی دا بۆ سەرجەم فەرمانگەکانی کۆمسیۆن.

لەبەشێکی دیکەی نوسینەکەدا هاتووە، بۆ ئەم مەبەستە داواکارین لە بەڕێزتان ڕەزامەندی بفەرموون لەسەر دەرکردنی مەرسومی هەرێمی بۆ ئەو بەڕێزانەی کەناویان لە هاوپێچەکەدا هاتووە.

بەپێی بەدواداچوونێک، لەو (12) بەڕێوبەرە گشتییە (3) بەڕێوبەری گشتیان سەربە بزوتنەوەی گۆڕانە بەناوەکانی(زەردەشت مەلاحەسەن - ژن برای کاردۆ محەمەد سەرۆکی پێشووی فراکسیۆنی بزوتنەوەی گۆران لە پەرلەمانی کوردستان)،(دیاری حاجی عومەر)، (ئاراس ڕەسوڵ - پێشتر کێشە لەسەردانانی هەبوو).

جێی ئاماژەیە، داننان بە واژووی مەسعود بارزانی وەک سەرۆکی هەرێم لە کاتێکدا کە بزوتنەوەی گۆران بەشێوەیەکی فەرمی ڕەتیکردوەتەوە مامەڵەی یاسایی لەگەڵ پۆستی مەسعود بارزانی بکات وەک سەرۆکی هەرێم، وە دوو ئەندامی کۆمسیاران لە کۆی (9) کۆمسیار لەسەر پشکی بزوتنەوەی گۆران دانراون ئەوانیش بەناوەکانی (ڕێزان حەمە ڕەشید و سەمەد بێتواتەیی)، وە پێشتر بەپێی یاسا کەپەرلەمانی کوردستانی دەنگدانی بۆئەنجامدا کۆمسیۆنی باڵای سەربەخۆی هەڵبژاردن و ڕاپرسی ڕاستەوخۆ لەلایەن پەرلەمانی کوردستانەوە چاودێری دەکرێت و حکومەتی هەرێمی کوردستان پاڵپشتی دارایی دەکات بەهیچ شێوەیەک نەبەستراوەتەوە بە سەرۆکایەتی هەرێم و دەرکردنی مەرسوم بۆی.

 


شه‌ڕڤانانی‌ هێزه‌كانی‌ سوریای‌ دیموكرات گوندێكی‌ دیكه‌یان له‌ده‌ست داعش رزگاركرد، له‌چوارچێوه‌ی‌ ئۆپه‌راسیۆنی‌ توڕه‌یی فورات بۆ دابڕین و گه‌مارۆدانی‌ شاری‌ ره‌قه‌ی‌ پایته‌ختی‌ داعش له‌سوریا.


به‌پێی ئاژانسی‌ هاوار نیوز نزیك له‌ شه‌ڕڤانان، شه‌وی‌ رابردوو شه‌ڕڤانان توانیویانه‌ گوندی‌ (ئه‌بو خه‌شه‌ب) رزگاربكه‌ن كه‌ ده‌كه‌وێته‌ دوری‌ 23 كیلۆمه‌تر باشوری‌ گوندی‌ مكمن، كه‌ له‌ ئێواره‌ی‌ پێنج شه‌ممه‌وه‌ گه‌مارۆیان دابوو.

شه‌ڕڤانان دوێنێ میحوه‌ری‌ چواره‌می‌ شه‌ڕیان له‌دژی‌ داعش له‌گوندی‌ (خربه‌ ملها) ه‌وه‌ كرده‌وه‌و توانیان سێ كێڵگه‌ رزگاربكه‌ن و نزیكه‌ی‌ حه‌وت كیلۆمه‌تر پێشڕه‌وی‌ بكه‌ن.

شه‌ڕڤانان له‌ شه‌ڕی‌ هه‌شت ڕۆژی‌ ڕابردوو له‌گه‌ڵ داعش له‌ ده‌ورووبه‌ری‌ ره‌قه‌ هه‌زارو 664 كیلۆمه‌تر چوارگۆشه‌یان كۆنتڕۆڵكردووه‌ته‌وه‌.

له‌و ماوه‌یه‌دا 37 گوند ڕزگاركراون و 49 چه‌كداری‌ داعش كوژراون ته‌رمه‌كانیان كه‌وتوونه‌ته‌ ده‌ست شه‌ڕڤانان و سێ چه‌كداری‌ تری‌ ئه‌و ڕێكخراوه‌ به‌ دیل گیراون و چه‌ندین باڵه‌خانه‌ و شوێنی‌ داعش خاپوركراوه‌، به‌پێی ئاماره‌كانی‌ فه‌رمانده‌یی‌ ئۆپه‌راسیۆنی‌ توڕه‌یی‌ فورات.

قۆناغی سێیه‌می ئۆپه‌راسیونی توڕه‌یی فورات بۆ ڕزگاركردنی ناوچه‌كانی ده‌ورووبه‌ری ڕه‌قه‌ و دابڕانی ئه‌وشاره‌ چواری‌ ئه‌م مانگه‌، له‌ دوو میحوه‌ری‌ باشوری شاری حه‌سه‌كه‌وه‌ ده‌ستیپێكردوو.

هێزه‌كانی‌ سوریای‌ دیموكرات كه‌ یه‌په‌گه‌ پێكهێنه‌ری‌ سه‌ره‌كیه‌تی‌ له‌ تشرینی‌ دووه‌مه‌وه‌ ئۆپه‌راسیۆنی‌ توڕه‌یی فورات-یان ده‌ستپێكردووه‌ بۆ دابڕینی‌ شاری‌ ره‌ققه‌ له‌ باكوری‌ رۆژهه‌ڵاتی‌ سوریا.


لاهور شێخ جەنگی ئەندامی ئەنجوومەنی ناوەندی یەكێتیی نیشتیمانیی كورستان 10 ئەندامی سەركردایەتیی حزبەكەی قایل دەكات بەشدار بن لە كۆبوونەوەی ئەنجوومەنی سەركردایەتیی ئەمڕۆدا كە نزیكن لە بەرهەم ئەحمەد ساڵح جێگری سكرتێری گشتیی ئەو حزبە، هاوکات یەکێتیی دوو لیژنە بۆ گۆڕانکارییەکانی ناوخۆی حزبەکە و حکوومەت درووست دەکات.

بە پێی ئەو زانیارییانەی كە ״ئاژانس״ لە چەند سەرچاوەیەكی تایبەتی ناو یەكێتییەوە دەستی كەوتووە، لاهور شێخ جەنگی ئەو 10 ئەندامەی سەركردایەتیی نزیك لە بەرهەم ئەحمەد ساڵحی قایل كردووە كە بەشداریی كۆبوونەوەكەی ئەمڕۆ چوارشەممەی ئەنجوومەنی سەركردایەتی بكەن.

بڕیارە لەو كۆبوونەوەیەدا نەخشەڕێگای یەكێتیی بۆ چارەسەری دۆخی سیاسیی هەرێمی كوردستان تاووتوێ بكرێت كە پێشتر ئامادە كراوە و ئەوەش یەكەمجار دەبێت لە پاش كۆبوونەوەی هەفتەی ڕابردووی مەكتەبی سیاسیی یەكێتیی، ئەنجوومەنی سەركردایەتی كۆ ببێتەوە.

هەریەك لە عەدنانی حەمەی مینا، بەرزان ئەحمەد كوردە، محەمەد وەتمان، جەمیل هەوارمی، نەرمین عوسمان، شاڵاو عەلی عەسكەری، حامیدی حاجی غالی و مستەفا چاوڕەش بەشێكن لەو ئەندام سەركردایەتییانەی كە قایل بوون بەشداریی كۆبوونەوەكەی ئەمڕۆ بكەن.

بەرزان ئەحمەد كوردە ئەندامی سەركردایەتیی یەكێتیی بەشداریكردنی لەو كۆبوونەوەیەی ئەنجوومەنی سەركردایەتیی یەكێتیی پشتڕاست كردەوە و بە ״ئاژانس״ی وت: ״هەموان بەشدار دەبین لە كۆبوونەوەكەی ئەنجوومەنی سەركردایەتیدا״.

بەرزان ئەحمەد كوردە ئاماژەی بەوەش كرد كە گۆڕانكاریی نوێ لەناو یەكێتیی هاتووه‌تە ئاراوە و دەیانەوێت لەگەڵی بڕۆن و وتیشی: ״دەرفەت هەیە لە كۆبوونەوەكانی داهاتووشدا كاك بەرهەم بەشداریی بكات״.

بە پێی زانیارییەکان یەکێتیی دوو لیژنەی پێک هێناوە بۆ گۆڕانکارییەکان، کە یەکەمیان بۆ گۆڕانکاریی ناوخۆییە و عیماد ئەحمەد ئەندامی مەکتەبی سیاسیی سەرۆکایەتیی دەکات، لیژنەی دووەمیش تایبەتە بە گۆڕانکاری لە حکوومەت و ئەرسەلان باییز ئەندامی مەکتەبی سیاسی سەرۆکایەتیی دەکات.


ئاژانسی وڵات بە هۆی شەهید بونی پەیامنێری تۆڕی میدیای ڕوداو "شیفا گەردی"یەوە پرسەو سەرەخۆشی دەگەیەنێتە بنەماڵەی شەهید و تۆڕی میدیای ڕوداو
داواکارین لە یەزدانی مەزن شەهید بە بەهەشتی بەرین شادبکات و سەبووری خانەوادەکەیان بدات

ئاژانسی وڵات

يتم التشغيل بواسطة Blogger.

لەلایەن ئاژانسی وڵات