Halloween party ideas 2015


 هەردوو مەكتەبی سیاسی یەكێتی ‌و پارتی بە ئادەبوونی فوئاد مەعسوم ‌و مەسعود بارزانی لە شارۆچكەی دووكان كۆدەبنەوە.

بەپێی ئەوزانیارییانەی دەست لڤین کەوتووە، هەردوو مەکتەبی سیاسی پارتی دیموکراتی کوردستان و یەکێتی نیشتیمانی کوردستان بە سەرپەرشتی فوئاد مەعسوم سەرۆککۆماری عێراق و مەسعود بارزانی سەرۆکی پارتی دیموکراتی کوردستان لە دووکان کۆدەبنەوە.

زانیارییەکان ئاماژە بۆئەوەدەکەن، لە ئێستادا مەکتەب سیاسییەکان گەیشتونەتە شوێنی کۆبونەوەکەو بڕیارە لەچەند کاتژمێرێکی دیکەدا کۆبونەوەکە دەست پێبکات.

جێی ئاماژەیە لە چەند رۆژی رابردوودا، حكومەتی عێراقی هێزێكی زۆری بۆ ناوچە كوردستانییەكانی دەرەوەی هەرێمی كوردستان لە سنووری پارێزگای كەركووك كۆكردووەتەوە، پێشمەرگەش كەوتووەتە حاڵەتی ئامادەباشییەوە، هەوڵەكانیش بۆ هێمنكردنەوەی دۆخەكە لەچەندین لایەنەوە دەستیان پێكردووە.


سوپای عێراق لە سنووری کەرکووک پێشمەرگە ئاگاداردەکاتەوە و داوایان لێدەکات تاوەکو کاژێر 12:00 پاشەکشە بکەن. فەرماندەیەکی پێشمەرگەش دەڵێت هەر جوڵەیەک بکەن بەتووندی وەڵامیان دەدەنەوە.
کەمال کەرکووکی، بەرپرسی میحوەری رۆژئاوای کەرکووک بە تۆڕی میدیایی رووداوی راگەیاند: سوپای عێراق و حەشدی شەعبی سوورن لەسەر ئەوەی پێشمەرگە ناوچەکە چۆڵ بکات و داوایان کردووە تاوەکو کاژێر 12:00ی شەو پاشەکشە بکەن".
بە ئاماژەکردن بەوەی بەنیازن لە سنووری میحوەری رۆژئاوای کەرکووکەوە هێرش بکەنە سەر پێشمەرگە، کەمال کەرکووکی رایگەیاند: "لەدوای کاژێر 12:00ی شەو لە سنووری کەرکووک لە هەر چرکەساتێکدا ئەگەری پێکدادان و شەڕ لەئارادایە، سوپای عێراقیش هەر پێشڕەوییەک بکات وەڵامی تووندیان دەدەینەوە".
کاژێر 02:00 ی ئەمشەو مۆڵەتەکەی سوپای عێراق و حەشدی شەعبی بۆ کورد کۆتایی دێت. لەبارەی تەواوبوونی وادەکەش سەعد حەدیسی، گوتەبێژی حکومەتی عێراق ئەمشەو رایگەیاند: "هیچ وادەیەکمان بۆ کشانەوەی هێزەکانی پێشمەرگە دیارینەکردووە، بەڵام دەبێت هێزەکانی پێشمەرگە بکشێنەوە و هێزە عێراقییەکان لەو ناوچانە بڵاوببنەوە".


پەرلەمانتارێكی كورد لەبەغدا رایدەگەیەنێت، حكومەتی عیراق بەنیازە هەردوو گرتوخانە فیدراڵیەكەی سنوری پارێزگای سلێمانی بگوازێتەوە بۆ گرتوخانەی ئەبوغرێب و دەشڵێت، داواكردنی گواستنەوەی كارمەندانی كوردی هەردوو گرتوخانەكە بۆ ئەبوغرێب لەم دۆخەی ئێستادا چاوەڕوانكراوە.
عەبدولقادر محەمەد پەرلەمانتاری كورد لەبەغدا ڕایگەیاند، "ئەو هەنگاوانەی لەئێستادا حكومەتی عیراق لەبەرامبەر هەرێم گرتویەتەبەر سەرجەمیان كاردانەوەن و زۆربەشیان جێبەجێدەكرێن".
وتیشی:"ئەو داوایەی كە ئاراستەی هەردوو گرتووخانەكەی سنوری پارێزگای سلێمانی كراوەو باسدەكرێت كە دەبێت لەگەڵ بەندكراواندا كارمەندە كوردەكانی بەندیخانەكەش بگوازرێنەوە بۆ گرتوخانەی ئەبوغرێب، هەنگاوێكی دیكەی كاردانەوەی بەغدایە بەرامبەر هەرێم و لەم دۆخەی ئێستادا پەیڕەوی دەكات".
باسی لەوەشكرد "ئەو هەڵوێستانەی بەغدا بەرامبەر هەرێم پەیڕەوی دەكات هەڵوێستی سروشتی نین و سەرجەمیان كاردانەوەیە، بۆیە ئەگەر ئەو دوو گرتوخانەیە بگوازرێنەوە، ئەوا داواكاری لەو شێوەیە لەكارمەندە كوردەكانی هەردوو گرتوخانەكە لەلایەن بەغداوە چاوەڕوانكراوەو عیراق جێبەجێی دەكات
لەئیستادا مەترسی ئەوە دروستبوە وەك كاردانەوە لەبەرامبەر ڕیفراندۆمەكەی باشوری كوردستان حكومەتی عیراق هەردوو گرتوخانەی فیدراڵی سوسێ‌ و چەمچەماڵ لەهەرێم كە دەكەونە سنوری پارێزگای سلێمانیەوە بگوازێتەوە بۆ ئەبوغرێب و فەرمانبەرانیش موچەی فەرمانبەرانی ئەو دوو گرتوخانەیەش كە كوردن ببڕێت.



د. فوئاد مەعسووم، سەرۆککۆماری عێراق لەگەڵ سەرکردایەتیی یەکێتی کۆدەبێتەوە و داواکارییەکانی عەبادی و حەشدی شەعبییان لەبارەی کەرکووک پێدەگەیێنێت.

پەیامنێری رووداو رایگەیاند: "فواد مەعسووم گەیشتووەتە سلێمانی و لەبارەی دۆخی کەرکووک و دەوروبەری و هەڕەشەکانی حەشدی شەعبی لەگەڵ سەرکردایەتیی یەکێتی کۆدەبێتەوە".

بەپێی زانیارییەکانی تۆڕی میدیایی رووداو، عەبادی و حەشدی شەعبی داوای ئەم شوێنانەی کەرکووک  دەکەنەوە:

 1- فڕۆکەخانەی کەرکووک.

 2- سەربازگەی کەیوان.

 3-سەرجەم کێڵگە نەوتییەکان.

 4- هەموو ئەو چەکدارانەی داعشییان رادەست بکرێ کە لای پێشمەرگە دیلن.

 5-سوپا بگەڕێتەوە هەموو ئەو شوێنانەی پێش هاتنی داعش لێی جێگیربوو. 

 6-لابردنی پارێزگاری کەرکووک لە پۆستەکەی.

فوئاد مەعسووم بەهەمانشێوە وەڵامی یەکێتی بۆ عەبادی و حەشدی شەعبی دەباتەوە، 
پەیامنێری رووداو راشیگەیاند: "بۆ جێبەجێکردنی ئەم خاڵانە عەبادی و حەشدی شەعبی کاژێر 02:00 ی شەوی داهاتوویان دیاریکردووە".


چەند ساتێك پێش ئێستا مەسرور بارزانی راوێژكاری ئەنجومەنی ئاسایشی هەرێمی كوردستان لەچاوپێكەوتنێكی لەگەڵ كەناڵی بی بی سی بەریتانی لەبەرنامەی هارد تۆك نهێنیەكی گەورەی ئاشكرا كرد” كاتێك رایگەیاند: ئەوان تەواو بێ هیوا بونە لە پشتیوانی ئەمریكاو وكۆمەڵگەی نێودەوڵەتی بۆ ئەنجامەكانی ریفرادۆمی 25/9 ی ئەمساڵ.
هەرەوەها رایگەیاند: لەكاتێكدا ئێمە چاوەرێی پشتیوانی ئەمریكاو كۆمەڵگەی نێودەوڵەتی بوون بۆ ریفرادۆمەكە، بەڵام بەداخەوە بە پێچەوانەوە ئەوان بەراستی دژایەتی خۆیان راگەیاند بۆ ریفرادۆم وهەر ئەم هەڵوێستەشیان هانی بەغداو عەبادی داوە بەهاوكاری ئێران وتوركیا سزای هەرێمی كوردستان بدەن.
شایەنی باسە ئەم بێ ئومێدیەی ناوبراو هەر هەمان بێ ئومێدیەكەی بەرێز مەلا موستەفای بارزانی بەبیر خەڵكی كوردستان دەهێنێتەوە كاتێك نسكۆی ساڵی 1975 رویداو مەلا موستەفای بارزان بەرامبەر كەناڵەكانی راگەیاندن رایگەیاند: رۆژانێكی رەش چاوەرێمان دەكات وئەمریكاو دۆستانمان بێ ئومێدیان كردیان لە پشتگیری كردن.
يتم التشغيل بواسطة Blogger.

لەلایەن ئاژانسی وڵات